SSLC EXAMINATION 2025 RESULT KERALA
SSLC 2025 പരീക്ഷാ ഫലം മെയ് 9 ന് പ്രസിദ്ധീക്കും
എസ്എസ്എൽസി പരീക്ഷാ ഫലം മെയ് 9 വെള്ളിയാഴ്ച പ്രസിദ്ധീകരിക്കും. മാർക്ക് എൻട്രി നടപടികൾ പൂർത്തീകരിച്ചു.
ഈ വർഷത്തെ പത്താം ക്ലാസ് പരീക്ഷാ ഫലം മെയ് ഒൻപതിന് പ്രഖ്യാപിക്കുമെന്ന് അറിയിക്കുന്നു. പരീക്ഷാ ഫല തീയതി പ്രഖ്യാപിക്കാൻ വിളിച്ചുചേർത്ത വാർത്താ സമ്മേളനത്തിലാണ് ഇത് വ്യക്തമാക്കിയത്.
ഈ വർഷത്തെ എസ്എസ്എൽസി പരീക്ഷാ ഫലം മെയ് 9 വെള്ളിയാഴ്ച പ്രഖ്യാപിക്കുമെന്ന് വിദ്യാഭ്യാസ മന്ത്രി അറിയിച്ചു. രണ്ട് ഘട്ടങ്ങളിലായി നടന്ന മൂല്യ നിർണ്ണയം പൂർത്തിയാക്കി മാർക്ക് എൻട്രി നടപടികൾ പൂർത്തീകരിച്ചതായി അദ്ദേഹം പറഞ്ഞു. 4,27,021 വിദ്യാർഥികളാണ് ഇത്തവണ പത്താം ക്ലാസ് പരീക്ഷ എഴുതി ഫലപ്രഖ്യാപനത്തിനായി കാത്തിരിക്കുന്നത്.
എസ്എസ്എൽസി പരീക്ഷാ ഫലത്തോടൊപ്പം റ്റിഎച്ച്എസ്എൽസി, എഎച്ച്എസ്എൽസി പരീക്ഷാഫലങ്ങളും മെയ് 9ന് തന്നെ പ്രഖ്യാപിക്കും. ഈ വർഷത്തെ എസ്എസ്എൽസി, റ്റിഎച്ച്എസ്എൽസി, എഎച്ച്എസ്എൽസി പരീക്ഷകൾ 2025 മാർച്ച് മൂന്നിന് ആരംഭിച്ച് മാർച്ച് 26നാണ് അവസാനിച്ചത്.
സംസ്ഥാനത്തൊട്ടാകെ 72 കേന്ദ്രീകൃത മൂല്യനിർണ്ണയ ക്യാമ്പുകളിലായി ഏപ്രിൽ 3 - 26 വരെ രണ്ട് ഘട്ടങ്ങളിലായിട്ടായിരുന്നു മൂല്യ നിർണ്ണയം നടത്തിയത്. ഇതുകഴിഞ്ഞ് മാർക്ക് എൻട്രി നടപടികൾ പൂർത്തീകരിച്ചിട്ടുണ്ട്. മെയ് മാസം ഒമ്പത് വെള്ളിയാഴ്ച ഫലം പ്രഖ്യാപിക്കുന്നതിന് ആവശ്യമായ മുന്നൊരുക്ക പ്രവർത്തനങ്ങൾ നടന്നുവരികയാണെന്ന് അറിയിച്ചു.
കേരളത്തിൽ 2,964 കേന്ദ്രങ്ങളിലും ലക്ഷദ്വീപിലെ 9 കേന്ദ്രങ്ങളിലും, ഗൾഫ് മേഖലയിലെ 7 കേന്ദ്രങ്ങളിലുമായിട്ടാണ് 4,27,021 വിദ്യാർഥികൾ ഇത്തവണ പത്താം ക്ലാസ് പരീക്ഷ എഴുതിയത്. അതിൽ 2,17,696 ആൺകുട്ടികളും 2,09,325 പെൺകുട്ടികളുമാണ്. സർക്കാർ മേഖലയിൽ 1,42,298 വിദ്യാർഥികളും എയിഡഡ് മേഖലയിൽ 2,55,092 വിദ്യാർഥികളും അൺ എയിഡഡ് മേഖലയിൽ 29,631 വിദ്യാർഥികളുമാണ് പരീക്ഷയെഴുതിയത്.
SSLC ഫലം എങ്ങനെ അറിയാം
വെബ്സൈറ്റ് വഴി
Step: 1
- ഔദ്യോഗിക വെബ്സൈറ്റ് സന്ദര്ശിക്കുക
- ഹോംപേജില്, 'Kerala SSLC Result 2023'എന്ന ലിങ്കില് ക്ലിക്ക് ചെയ്യുക.
Step: 2
- പുതിയൊരു ലോഗിൻ വിൻഡോ സ്ക്രീനിൽ തെളിഞ്ഞ് വരും.
- രജിസ്ട്രേഷൻ നമ്പറും, ജനന തിയതിയും നൽകിയ ശേഷം സബ്മിറ്റ് ചെയ്യുക.
Step: 3
- പരീക്ഷാ ഫലം കാണാൻ സാധിക്കും.
- ശേഷം അതിന്റെ പ്രിന്റ് ഔട്ട് എടുത്ത് സൂക്ഷിക്കുക.
മൊബൈൽ ആപ്പ് വഴി എങ്ങനെ ഫലം അറിയാം
- ഗൂഗിൾ പ്ലേ സ്റ്റോറിൽ നിന്ന് 'Saphalam' എന്ന ആപ്പ് ഡൗൺലോഡ് ചെയ്യുക.
- ആപ്പ് ഓപ്പൺ ചെയ്ത് വിദ്യാർത്ഥിയുടെ രജിസ്റ്റർ നമ്പറും ജനനത്തീയതിയും നൽകുക.
- ശേഷം ഓപ്പൺ ആകുന്ന വിൻഡോയിൽ ഫലം കാണാൻ സാധിക്കും
വിദ്യാഭ്യാസ മന്ത്രിയുടെ ഫല പ്രഖ്യാപനത്തിന് ശേഷം ഒരുരുത്തരുടേയും ഫലം അറിയാനായി നമ്മളെല്ലാവരും പോകുന്നത് ഒരേ സൈറ്റിലേക്കാണെങ്കിൽ ഫലം അറിയാൻ കുറച്ചു വൈകിയേക്കും. അതുകൊണ്ടുതന്നെ എസ്എസ്എൽസി ഫലം അറിയാൻ വിദ്യാഭ്യാസ വകുപ്പ് ഒന്നിലധികം വെബ്സൈറ്റ് തന്നിട്ടുണ്ട്. അതേ... നിങ്ങൾക്ക് ഈ കാണുന്ന വെബ്സൈറ്റിൽ ഈതിൽ നിന്നെങ്കിലും ഫലം അറിയാൻ കഴിയും.
