സിവിൽ സർവീസ് ഫീസ് റീഇംബേഴ്സ്മെൻ്റ് (CSFR)
ന്യൂനപക്ഷ വിദ്യാർത്ഥികൾക്ക് സഹായം
സിവിൽ സർവീസ് ഫീസ് റീഇംബേഴ്സ്മെൻ്റ് സ്കോളർഷിപ്പ്
2024-25 സാമ്പത്തിക വർഷത്തിൽ, ന്യൂനപക്ഷ മതവിഭാഗങ്ങളിൽപ്പെട്ട വിദ്യാർത്ഥികൾക്ക് സിവിൽ സർവീസ് ഫീസ് റീഇംബേഴ്സ്മെൻ്റ് സ്കോളർഷിപ്പിന് അപേക്ഷിക്കാം.
മുസ്ലീം, ക്രിസ്ത്യൻ (എല്ലാ വിഭാഗക്കാരും), സിഖ്, ബുദ്ധ, ജൈന, പാഴ്സി എന്നീ ന്യൂനപക്ഷ വിഭാഗങ്ങളിലെ വിദ്യാർത്ഥികൾക്ക് സർക്കാർ, യൂണിവേഴ്സിറ്റി സ്ഥാപനങ്ങളിൽ സിവിൽ സർവീസ് പരീക്ഷാ പരിശീലനത്തിന് കോഴ്സ് ഫീസായി 20,000 രൂപ വരെയും ഹോസ്റ്റൽ ഫീസായി 10,000 രൂപ വരെയും തിരികെ ലഭിക്കും. കേരള സ്റ്റേറ്റ് സിവിൽ സർവീസ് അക്കാദമി, ഇൻസ്റ്റിറ്റ്യൂട്ട് ഓഫ് കരിയർ റിസർച്ച് പൊന്നാനി, യൂണിവേഴ്സിറ്റികളുടെ പരിശീലന കേന്ദ്രങ്ങൾ എന്നിവിടങ്ങളിൽ പഠിക്കുന്നവർക്ക് അപേക്ഷിക്കാം.
സ്ഥാപനങ്ങൾ നടത്തുന്ന ഹോസ്റ്റലുകളിലോ, അംഗീകൃത സ്വകാര്യ ഹോസ്റ്റലുകളിലോ താമസിക്കുന്നവർക്കും ഹോസ്റ്റൽ സ്റ്റൈപ്പന്റിന് അപേക്ഷിക്കാം. ഫീസ് അടച്ച രസീത് സ്ഥാപന മേധാവിയുടെ ഒപ്പോടെ സമർപ്പിക്കണം. കേരളത്തിൽ സ്ഥിരതാമസക്കാരായ ന്യൂനപക്ഷ മതവിഭാഗത്തിലെ വിദ്യാർത്ഥികൾക്കാണ് ഈ സ്കോളർഷിപ്പ്. അപേക്ഷകരുടെ കുടുംബ വാർഷിക വരുമാനം 8 ലക്ഷം രൂപയിൽ കവിയരുത്.
ബി.പി.എൽ. വിഭാഗത്തിലുള്ളവർക്ക് മുൻഗണന നൽകും. അപേക്ഷകർക്ക് ഏതെങ്കിലും ദേശസാൽകൃത ബാങ്കിൽ അക്കൗണ്ട് ഉണ്ടായിരിക്കണം.
ഓൺലൈനായി അപേക്ഷിക്കാൻ, വകുപ്പിന്റെ വെബ്സൈറ്റിലെ സ്കോളർഷിപ്പ് മെനുവിൽ CSFR ലിങ്ക് വഴി അപേക്ഷിക്കാം. ഓൺലൈൻ അപേക്ഷയുടെ പ്രിന്റ്ഔട്ടും രേഖകളും സ്ഥാപനമേധാവിക്ക് നൽകണം. അപേക്ഷ സ്വീകരിക്കുന്ന അവസാന തീയതി 2025 ഫെബ്രുവരി 10 ആണ്. കൂടുതൽ വിവരങ്ങൾക്ക് 0471 2300524, 2302090 എന്നീ നമ്പറുകളിൽ ബന്ധപ്പെടാവുന്നതാണ്.
അപേക്ഷിക്കേണ്ട രീതി
1. വകുപ്പിന്റെ വെബ്സൈറ്റിലെ സ്കോളർഷിപ്പ് മെനുവിൽ Civil Service Fee Reimbursement (CSFR) എന്ന ലിങ്കിൽ ക്ലിക്ക് ചെയ്യുക.
2. "Apply Online" ക്ലിക്ക് ചെയ്യുക.
3. മറ്റു സ്കോളർഷിപ്പുകൾക്ക് രജിസ്റ്റർ ചെയ്തിട്ടുണ്ടെങ്കിൽ, ആ വിവരങ്ങൾ ഉപയോഗിച്ച് ലോഗിൻ ചെയ്യുക.
4. രജിസ്ട്രേഷൻ ഫോമിലെ Examination details, personal details, Scholarship details തുടങ്ങിയ ഫീൽഡുകൾ പൂരിപ്പിക്കുക.
5. ഫോട്ടോ, ഒപ്പ്, എസ്.എസ്.എൽ.സി സർട്ടിഫിക്കറ്റ്, വരുമാന സർട്ടിഫിക്കറ്റ്, റേഷൻ കാർഡ് കോപ്പി, ബാങ്ക് പാസ്സ് ബുക്ക് കോപ്പി, ഫീസ് രസീതുകൾ എന്നിവ 100 KB-ൽ താഴെയായി അപ്‌ലോഡ് ചെയ്യുക. രേഖകൾ അപ്‌ലോഡ് ചെയ്താൽ മാത്രമേ രജിസ്ട്രേഷൻ പൂർത്തിയാകൂ.
6. അപേക്ഷ സമർപ്പിച്ച ശേഷം "View Print Application" ക്ലിക്ക് ചെയ്ത് പ്രിന്റ് എടുക്കുക.
7. പ്രിന്റൗട്ടും താഴെ പറയുന്ന രേഖകളും സ്ഥാപന മേധാവിക്ക് സമർപ്പിക്കുക.
അപേക്ഷകർ ഹാജരാക്കേണ്ട രേഖകൾ
1. അപേക്ഷകരുടെ രജിസ്ട്രേഷൻ പ്രിന്റൗട്ട്
2. എസ്.എസ്.എൽ.സി., ബിരുദം എന്നിവയുടെ മാർക്ക് ലിസ്റ്റിന്റെ പകർപ്പ്
3. അപേക്ഷകരുടെ പേരിലുള്ള ബാങ്ക് പാസ്സ് ബുക്കിന്റെ പകർപ്പ് (പേര്, അക്കൗണ്ട് നമ്പർ, ബ്രാഞ്ച് കോഡ്, ബ്രാഞ്ചിന്റെ അഡ്രസ്സ് എന്നിവ ഉണ്ടാകണം)
4. കമ്മ്യൂണിറ്റി സർട്ടിഫിക്കറ്റിന്റെ പകർപ്പ്/മൈനോരിറ്റി സർട്ടിഫിക്കറ്റിന്റെ പകർപ്പ്
5. വില്ലേജ് ഓഫീസിൽ നിന്നുള്ള വരുമാന സർട്ടിഫിക്കറ്റ്
6. റേഷൻ കാർഡിന്റെ പകർപ്പ്
7. കോഴ്സ് ഫീസ്/ഹോസ്റ്റൽ ഫീസ് അടച്ച രസീത് (സ്വകാര്യ ഹോസ്റ്റലിൽ നിന്നുള്ള രസീതാണെങ്കിൽ സ്ഥാപന മേധാവിയുടെ ഒപ്പ് നിർബന്ധം)
ഓൺലൈനായി അപേക്ഷ സ്വീകരിക്കുന്ന അവസാന തീയതി: ഫെബ്രുവരി 10, 2025.
കൂടുതൽ വിവരങ്ങൾക്ക്: Civil Service Fee Reimbursement(CSFR)
ഫോൺ : 0471 2300524, 0471-2302090
ഓൺലൈനായി അപേക്ഷിക്കേണ്ട ലിങ്ക് : Apply Civil Service Fee Reimbursement(CSFR)
നിരാകരണം:
ഈ വെബ്‌സൈറ്റിൽ അടങ്ങിയിരിക്കുന്ന വിവരങ്ങൾ അപ്‌ഡേറ്റും കൃത്യവുമാണെന്ന് ഉറപ്പാക്കാൻ ഞങ്ങൾ എല്ലാ ശ്രമങ്ങളും നടത്തുന്നുണ്ടെങ്കിലും, വെബ്‌സൈറ്റിൽ ലഭ്യമായ വിവരങ്ങളുടെയും ഉൽപ്പന്നങ്ങളുടെയും സേവനങ്ങളുടെയും സമ്പൂർണ്ണത, വിശ്വാസ്യത, കൃത്യത അല്ലെങ്കിൽ ലഭ്യത എന്നിവയെക്കുറിച്ച് ഒരു ഉറപ്പും നൽകുന്നില്ല. ബ്ലോഗുകൾ പൊതുവായ സേവനങ്ങളെയും അറിവുകളെയും കുറിച്ചുള്ള ചർച്ചയ്ക്കുള്ളതാണ്.
ഞങ്ങൾ നൽകുന്ന വിവരങ്ങൾക്കും ലിങ്കുകൾക്കും ഭാവിയിൽ മാറ്റങ്ങൾ വന്നേക്കാം. അത്തരത്തിലുള്ള മാറ്റങ്ങൾ ശ്രദ്ധയിൽ പെട്ടാൽ അറിയിക്കുക.
