സൂപ്പർവൈസറി ഡെവലപ്‌മെന്റ് സെൻ്റർ കേരള അപ്രൻ്റീസ്ഷിപ്പ് രജിസ്ട്രേഷൻ
2000-ൽ ഏറെ അപ്രൻ്റീസ് ഒഴിവുകളുമായി പ്രമുഖ സ്ഥാപനങ്ങൾ തൊഴിലവസരങ്ങളുമായി എത്തുന്നു. കേരളത്തിലെ വിവിധ സർക്കാർ, പൊതുമേഖലാ, സ്വകാര്യ മേഖല സ്ഥാപനങ്ങളിൽ അപ്രന്റീസ് അവസരങ്ങൾ ലഭ്യമാണെന്ന് സാങ്കേതിക വിദ്യാഭ്യാസ വകുപ്പിന് കീഴിലുള്ള കളമശ്ശേരി സൂപ്പർവൈസറി ഡെവലപ്‌മെന്റ് സെന്റർ അറിയിച്ചു. ഫാക്ട്, കൊച്ചിൻ ഷിപ്പിയാർഡ്, കൊച്ചി മെട്രോ, ദുബായ് പോർട്ട് വേൾഡ്, കൊച്ചിൻ ഇൻ്റർനാഷണൽ എയർപോർട്ട്, ഹിന്ദുസ്ഥാൻ യൂണിലിവർ, കെൽട്രോൺ, കെ.എസ്.ഇ.ബി, കണ്ണൂർ എയർപോർട്ട്, അപ്പോളോ ടയേഴ്സ് എന്നിവിടങ്ങളിലാണ് രണ്ടായിരത്തിലധികം അപ്രന്റീസ് ഒഴിവുകൾ.
അവസരം നേടേണ്ടതിനുള്ള മുൻവ്യവസ്ഥകൾ
അപ്രന്റീസ് ആക്ട് പ്രകാരം മുൻപ് പരിശീലനം ലഭിക്കാത്തവർക്കും പാസ്സായി അഞ്ച് വർഷം പൂർത്തിയാകാത്തവർക്കും ആണ് ഈ അവസരം ലഭ്യമാകുക. B.Tech, B.A, B.Sc, B.Com, BBA, BCA എന്നിവയിൽ യോഗ്യത നേടിയവർക്കും ഡിപ്ലോമ യോഗ്യതയുള്ളവർക്കും അപേക്ഷിക്കാം.
പ്രതിഫലം (സ്റ്റൈപ്പന്റ്)
അപ്രന്റീസ്ഷിപ്പ് ചെയ്യുന്നവർക്ക് പ്രതിമാസം 9000 രൂപ (ഡിഗ്രി യോഗ്യത) മുതൽ 8000 രൂപ (ഡിപ്ലോമ യോഗ്യത) വരെ സ്റ്റൈപ്പന്റ് ലഭിക്കും. വിവിധ കമ്പനികൾ നിശ്ചിത തുകയ്ക്ക് മുകളിൽ കൂടുതൽ പ്രതിഫലവും നൽകുന്നുണ്ട്.
പ്രയോജനങ്ങൾ
- പ്രായോഗിക പരിചയം: ഒരു വർഷത്തെ പരിശീലനം പൂർത്തിയാക്കുന്നതിലൂടെ തൊഴിലവസരങ്ങൾ നേടാൻ കൂടുതൽ സാധ്യത.
- സർട്ടിഫിക്കറ്റ്: വിജയകരമായി അപ്രന്റീസ്ഷിപ് പൂർത്തിയാക്കിയവർക്ക് കേന്ദ്ര സർക്കാരിൻ്റെ തൊഴിൽ പ്രാവീണ്യ സർട്ടിഫിക്കറ്റ് ലഭിക്കും.
- വലിയ സ്ഥാപനങ്ങളിൽ ജോലി നേടാനുള്ള അവസരം: പ്രമുഖ കമ്പനികളിൽ പ്രാവീണ്യം നേടുന്നതിലൂടെ സ്ഥിരപ്പെട്ട ജോലി നേടാനുള്ള സാധ്യത വർധിക്കും.
എങ്ങനെ അപേക്ഷിക്കാം?
അപ്രന്റീസ് ഒഴിവുകളിലേക്ക് പേര് രജിസ്റ്റർ ചെയ്യാൻ താല്പര്യമുള്ളവർ കളമശ്ശേരി സൂപ്പർവൈസറി ഡെവലപ്‌മെന്റ് സെന്റർ മുഖേന ഓൺലൈനായി രജിസ്റ്റർ ചെയ്യണം.
അപേക്ഷിക്കുന്നവരുടെ ശ്രദ്ധയ്ക്ക്
- അപേക്ഷിക്കുന്നതിന് മുമ്പ് ഉദ്യോഗാർഥികൾ പൂർണ്ണമായും ശ്രദ്ധിച്ചു വായിച്ചു മനസ്സിലാക്കുക.
- അപേക്ഷിക്കുന്നതിന് മുമ്പ് ഔദ്യോഗിക വിജ്ഞാപനത്തിൽ പറഞ്ഞ യോഗ്യതകൾ, പ്രായ പരിധി, വിദ്യാഭ്യാസ യോഗ്യത എന്നിവ ഉറപ്പുവരുത്തുക.
- അപേക്ഷാ ഫോം ഫിൽ ചെയ്യുമ്പോൾ ഉപയോഗിക്കുന്ന Mobile No, Email ID എന്നിവ കൃത്യമായി നൽകുക.
ഫോൺ: 0484 2556530
