DIGITAL DRIVING LICENSE KERALA MALAYALAM
സംസ്ഥാനത്ത് ഡിജിറ്റൽ ഡ്രൈവിങ് ലൈസൻസ്
സംസ്ഥാനത്ത് ഡിജിറ്റൽ ഡ്രൈവിങ് ലൈസൻസ് സംവിധാനം നിലവിൽവന്നു. പുതിയ അപേക്ഷകർക്ക് ഇനി പ്രിൻ്റ് ചെയ്ത ഡ്രൈവിങ് ലൈസൻസ് ലഭ്യമല്ല. ടെസ്റ്റ് പാസായിക്കഴിഞ്ഞാൽ വെബ്സൈറ്റിൽ നിന്ന് ലൈസൻസ് ഡൗൺലോഡ് ചെയ്യാൻ കഴിയും. ഇത് ഡിജി ലോക്കർ, എം പരിവാഹൻ ആപ്പുകളിൽ സുരക്ഷിതമായി സൂക്ഷിക്കാവുന്നതാണ്. ആവശ്യമുള്ളവർക്ക് സ്വയം പ്രിൻ്റ് എടുക്കാവുന്നതാണ്.
ഡിജിറ്റൽ ലൈസൻസ് - പുതിയ മാറ്റങ്ങൾ
ഡിജിറ്റൽ ഡ്രൈവിങ് ലൈസൻസ് സംവിധാനം സംബന്ധിച്ചുള്ള ഔദ്യോഗിക ഉത്തരവ് സർക്കാർ പുറത്തിറക്കി. വാഹന പരിശോധന സമയത്ത് ഡിജിറ്റൽ ലൈസൻസ് കാണിച്ചാൽ മതിയാകും. ഡൗൺലോഡ് യുവർ ഡിജിറ്റൽ ലൈസൻസ് എന്ന DYDL പദ്ധതി മോട്ടോർ വാഹന വകുപ്പ് നടപ്പിലാക്കുകയാണ്.
ആവശ്യമുള്ള രേഖകൾ :
- ലൈസൻസ് അപേക്ഷാ നമ്പർ
- ജന്മ തീയതി
ലൈസൻസ് പാസായവർക്ക് പ്രിൻ്റഡ് ലൈസൻസ് ലഭിക്കാൻ വലിയ കാലതാമസം നേരിട്ടിരുന്നു. ഇത് നിരവധി പരാതികൾക്ക് കാരണമായിരുന്നു. ഈ പ്രശ്നം പരിഹരിക്കുന്നതിന് വേണ്ടിയാണ് മോട്ടോർ വാഹനവകുപ്പ് ഡിജിറ്റൽ സംവിധാനം ഏർപ്പെടുത്താൻ തീരുമാനിച്ചത്.
ഡിജിറ്റൽ ഡ്രൈവിംഗ് ലൈസൻസ് എങ്ങനെ പ്രിന്റ് ചെയ്യാം
Print Digital Driving License Steps
- പരിവാഹൻ വെബ്സൈറ്റിൽ കേരളം തിരഞ്ഞെടുക്കുക
- ഡ്രൈവിംഗ് ലൈസൻസ് എന്ന ഭാഗത്ത് ക്ലിക്ക് ചെയ്യുക
- പ്രിൻറ് ഡ്രൈവിംഗ് ലൈസൻസ് എന്നതിൽ ക്ലിക്ക് ചെയ്യുക
- ലൈസൻസ് അപേക്ഷാ നമ്പർ, ജനന തീയതി എന്നിവ നൽകി ഒടിപി വെരിഫൈ ചെയ്ത ശേഷം ഡൗൺലോഡ് ചെയ്യാവുന്നതാണ്
ശ്രദ്ധിക്കുക : പ്രിന്റ് എടുക്കുന്നതിനുള്ള വെബ്സൈറ്റ് താഴെ നൽകുന്നു.
മോട്ടോർ വാഹന വകുപ്പുമായി ബന്ധപ്പെടാൻ
കേരളത്തിൽ ഡിജിറ്റലൈസ് ചെയ്യപ്പെട്ട ഡിപ്പാർട്ട്മെന്റുകളിൽ ഒന്നാണ് മോട്ടോർ വാഹന വകുപ്പ്. മിക്ക സേവനങ്ങളും ഓൺലൈൻ വഴി ലഭ്യമാണ്. വകുപ്പ് കൂടുതൽ സോഫ്റ്റ്‌വെയറുകളെ ആശ്രയിച്ചാണ് സേവനങ്ങൾ നൽകുന്നത്.
മോട്ടോർ വാഹന ഓഫീസുകളിലും ചെക്ക് പോസ്റ്റുകളിലും നേരിടുന്ന സോഫ്റ്റ് വെയറുമായി ബന്ധപ്പെട്ട സാങ്കേതിക തകരാറുകൾക്കും എം പരിവാഹൻ ആപ്പ് സംബന്ധിച്ചോ ഇ ചലാൻ സംബന്ധിച്ചോ ഉള്ള സംശയങ്ങൾക്കും താഴെ കൊടുത്ത നമ്പറിലോ അല്ലെങ്കിൽ ഇമെയിൽ വിലാസത്തിലോ ബന്ധപ്പെടാവുന്നതാണ്. ഹെൽപ്പ് ഡെസ്ക് നമ്പർ രാവിലെ 6 മണി മുതൽ രാത്രി 12 മണി വരെ ലഭ്യമാണ്. പൊതുജനങ്ങൾക്ക് ഈ സൗകര്യം ഉപയോഗിക്കാവുന്നതാണ്.
ഹെൽപ്പ് ഡസ്ക് നമ്പർ : +91-120-4925505 വാഹനം സംബന്ധിച്ച് : helpdesk-vahan@gov.in ലൈസൻസ് സംബന്ധിച്ച് : helpdesk-sarathi@gov.in എം പരിവാഹൻ സംബന്ധിച്ച് : helpdesk-mparivahan@gov.in ഇ ചലാൻ സംബന്ധിച്ച് : helpdesk-echallan@gov.in
