പ്രവാസി പെൻഷൻ: മാർച്ച് 31-ന് മുമ്പ് ലൈഫ് സർട്ടിഫിക്കറ്റ് സമർപ്പിക്കുക
പ്രധാന അറിയിപ്പ്
പ്രവാസി പെൻഷൻ പദ്ധതിയിൽ പെൻഷൻ വാങ്ങുന്നവർ ശ്രദ്ധിക്കുക. നിങ്ങൾ ജീവിച്ചിരിപ്പുണ്ടെന്ന് തെളിയിക്കുന്ന ലൈഫ് സർട്ടിഫിക്കറ്റ് മാർച്ച് 31-ന് മുൻപ് സമർപ്പിക്കേണ്ടതാണ്.
നിശ്ചിത മാതൃകയിലുള്ള ലൈഫ് സർട്ടിഫിക്കറ്റ് ഒരു ഗസറ്റഡ് ഓഫീസറെക്കൊണ്ട് സാക്ഷ്യപ്പെടുത്തി എല്ലാ വർഷവും മാർച്ച് മാസത്തിൽ ഓഫീസിൽ എത്തിക്കണം. സർട്ടിഫിക്കറ്റ് ലഭിക്കാത്തവരുടെ പെൻഷൻ ഏപ്രിൽ 1 മുതൽ താൽക്കാലികമായി നിർത്തിവയ്ക്കുന്നതാണ്. ലൈഫ് സർട്ടിഫിക്കറ്റ് ലഭിച്ച ശേഷം പെൻഷൻ പുനഃസ്ഥാപിക്കും.
(ലൈഫ് സർട്ടിഫിക്കറ്റിന്റെ ഒരു പകർപ്പ് നിങ്ങളുടെ ഭാവി ആവശ്യങ്ങൾക്കായി സൂക്ഷിക്കുക.)
സമർപ്പിക്കേണ്ട രേഖകൾ
ലൈഫ് സർട്ടിഫിക്കറ്റിനൊപ്പം താഴെ പറയുന്ന രേഖകളും സമർപ്പിക്കേണ്ടതാണ്:
- ഗസറ്റഡ് ഓഫീസർ സാക്ഷ്യപ്പെടുത്തിയ ലൈഫ് സർട്ടിഫിക്കറ്റ്
- ആധാർ കാർഡ് (പകർപ്പിൽ ഒപ്പ് വെക്കുക)
അയക്കേണ്ട വിലാസം
പൂർണ്ണമായ വിവരങ്ങൾ രേഖപ്പെടുത്തിയ ലൈഫ് സർട്ടിഫിക്കറ്റും അനുബന്ധ രേഖകളും താഴെ കൊടുത്ത വിലാസത്തിൽ അയക്കുക:
ചീഫ് എക്‌സിക്യൂട്ടീവ് ഓഫീസർ, കേരള പ്രവാസി കേരളീയ ക്ഷേമ ബോർഡ്, നോർക്ക സെന്റർ, 2-ാം നില, സർക്കാർ ഗസ്റ്റ് ഹൗസിനു സമീപം, മൈയ്ക്കാട് പി.ഒ., തിരുവനന്തപുരം - 695014
ഫോൺ നമ്പർ: 0471-2785500
ശ്രദ്ധിക്കുക
കേരള പ്രവാസി കേരളീയ ക്ഷേമ ബോർഡിൽ നിന്ന് പെൻഷൻ വാങ്ങുന്നവർ, എല്ലാ വർഷത്തിലെയും മാർച്ച് മാസത്തിൽ ഗസറ്റഡ് ഓഫീസർ സാക്ഷ്യപ്പെടുത്തിയ ലൈഫ് സർട്ടിഫിക്കറ്റ് മാർച്ച് 31-ന് മുൻപ് ഓഫീസിൽ സമർപ്പിക്കേണ്ടതാണ്. ലൈഫ് സർട്ടിഫിക്കറ്റ് സമർപ്പിക്കാത്തവരുടെ പെൻഷൻ ഏപ്രിൽ മാസം മുതൽ താൽക്കാലികമായി നിർത്തിവയ്ക്കുന്നതാണ്.
ലൈഫ് സർട്ടിഫിക്കറ്റ് ഫോം
ലൈഫ് സർട്ടിഫിക്കറ്റ് ഫോമിന്റെ മാതൃക താഴെ പറയുന്ന ലിങ്കുകളിൽ ലഭ്യമാണ്:
- പെൻഷൻകാർക്കുള്ള ലൈഫ് സർട്ടിഫിക്കറ്റ് ഫോം (മലയാളം)
- Pensioner’s Life Certificate Form (English )
