കാലിക്കറ്റ് സർവ്വകലാശാല MBA രജിസ്ട്രേഷൻ 2025-26
എം.ബി.എ പ്രവേശന അറിയിപ്പ്
പ്രധാന അറിയിപ്പ്
കാലിക്കറ്റ് സർവ്വകലാശാലയിലെ 2025-26 അധ്യയന വർഷത്തേക്കുള്ള എം.ബി.എ (ഫുൾ ടൈം / പാർട്ട് ടൈം) കോഴ്സുകളിലേക്കുള്ള പ്രവേശനത്തിനായുള്ള ഓൺലൈൻ രജിസ്ട്രേഷൻ ആരംഭിച്ചു. KMAT SESSION 2 പരീക്ഷ എഴുതിയവർക്കും അപേക്ഷിക്കാവുന്നതാണ്. അപേക്ഷിക്കാനുള്ള അവസാന തീയതി 2025 ജൂൺ 19 വൈകുന്നേരം 4:00 മണി വരെ നീട്ടിയിരിക്കുന്നു.
അപേക്ഷിക്കേണ്ട രീതി
ഓൺലൈൻ അപേക്ഷ
കാലിക്കറ്റ് സർവകലാശാലയുടെ കൊമേഴ്സ് ആന്റ് മാനേജ്മെന്റ് സ്റ്റഡീസ് പഠനവകുപ്പ്, സർവകലാശാലാ സ്വാശ്രയ സെന്ററുകൾ, സ്വാശ്രയ കോളേജുകൾ എന്നിവിടങ്ങളിലെ എം.ബി.എ കോഴ്സുകളിലേക്ക് KMAT SESSION 2 യോഗ്യത നേടിയവർക്കും അല്ലാത്തവർക്കും അപേക്ഷിക്കാം. അപേക്ഷകൾ ഓൺലൈനായി സമർപ്പിക്കേണ്ട അവസാന തീയതി ജൂൺ 19 ആണ്. അപേക്ഷാ ഫീസ് 920 രൂപയാണ് (എസ്.സി. / എസ്.ടി. വിഭാഗക്കാർക്ക് 310 രൂപ).
KMAT - 2025, CMAT - 2025, CAT - 2024 എന്നീ സ്കോറുകളിൽ ഏതെങ്കിലും ഒന്ന് അപേക്ഷയിൽ രേഖപ്പെടുത്തണം. ഒന്നിൽ കൂടുതൽ സ്കോറുകൾ ഉണ്ടെങ്കിൽ അതും രേഖപ്പെടുത്താവുന്നതാണ്. ഏതെങ്കിലും ഒരു സ്കോർ എങ്കിലും ഇല്ലാത്ത അപേക്ഷകൾ പരിഗണിക്കുന്നതല്ല. സ്വാശ്രയ കോളേജുകളിലെ മാനേജ്മെന്റ് ക്വാട്ടയിൽ പ്രവേശനം ആഗ്രഹിക്കുന്നവരും ഓൺലൈനായി രജിസ്റ്റർ ചെയ്യേണ്ടതാണ്.
യോഗ്യത
ബിരുദഫലം കാത്തിരിക്കുന്ന വിദ്യാർഥികൾക്കും അപേക്ഷിക്കാവുന്നതാണ്. എന്നാൽ, പ്രവേശന നടപടികൾ അവസാനിക്കുന്നതിന് മുൻപായി ഒറിജിനൽ ബിരുദ മാർക്ക്ലിസ്റ്റ് / ഗ്രേഡ് കാർഡ് സമർപ്പിക്കേണ്ടതാണ്.
പ്രധാനപ്പെട്ട വിവരങ്ങൾ
CAP ID
ഓൺലൈൻ അപേക്ഷയുടെ ആദ്യ ഘട്ടത്തിൽ CAP ID-യും പാസ്‌വേഡും നിങ്ങളുടെ മൊബൈലിൽ ലഭിക്കുന്നതിന്, അപേക്ഷകർ അപേക്ഷിക്കേണ്ട വെബ്സൈറ്റിൽ നിങ്ങളുടെ അടിസ്ഥാന വിവരങ്ങൾ നൽകണം. രജിസ്ട്രേഷൻ സമയത്ത് മൊബൈൽ നമ്പർ ശരിയായി നൽകേണ്ടത് അത്യാവശ്യമാണ്. CAP ID-യും സെക്യൂരിറ്റി കീയും നഷ്ടപ്പെടാതിരിക്കാൻ ശ്രദ്ധിക്കുക.
OTP വെരിഫിക്കേഷൻ
മൊബൈൽ നമ്പർ നൽകുന്നതിൽ തെറ്റുകൾ സംഭവിക്കാതിരിക്കാൻ OTP (One Time Password) വെരിഫിക്കേഷൻ ഏർപ്പെടുത്തിയിട്ടുണ്ട്. അതിനാൽ, രജിസ്റ്റർ ചെയ്യുന്ന വിദ്യാർത്ഥികൾ സ്വന്തം അല്ലെങ്കിൽ രക്ഷിതാക്കളുടെ ഫോൺ നമ്പർ മാത്രം നൽകുക. ലഭിച്ച CAP ID-യും പാസ്‌വേഡും ഉപയോഗിച്ച് ലോഗിൻ ചെയ്ത് അപേക്ഷ പൂർത്തിയാക്കാവുന്നതാണ്.
പാസ്‌വേഡ്
അപേക്ഷകർക്ക് ലഭിക്കുന്ന പാസ്‌വേർഡിന്റെ രഹസ്യസ്വഭാവം കാത്തുസൂക്ഷിക്കുക. പ്രവേശന നടപടികൾ പൂർത്തിയാകുന്നതുവരെ പാസ്‌വേഡ് സുരക്ഷിതമായി സൂക്ഷിക്കേണ്ടതാണ്.
അപേക്ഷ പൂർത്തിയാക്കേണ്ട വിധം
അപേക്ഷയുടെ അവസാന ഘട്ടത്തിലാണ് രജിസ്ട്രേഷൻ ഫീസ് അടയ്ക്കേണ്ടത്. Save & Proceed ബട്ടൺ ക്ലിക്ക് ചെയ്യുന്നതിന് മുൻപ് നൽകിയിട്ടുള്ള വിവരങ്ങൾ ശരിയാണെന്ന് ഉറപ്പുവരുത്തുക. ഫീസ് അടച്ച ശേഷം വീണ്ടും ലോഗിൻ ചെയ്ത് അപേക്ഷയുടെ പ്രിന്റ്ഔട്ട് എടുക്കുക. പ്രിന്റ്ഔട്ട് ലഭിച്ചാൽ മാത്രമേ അപേക്ഷ പൂർണ്ണമാകൂ. അപേക്ഷയുടെ പ്രിന്റൗട്ട് സർവ്വകലാശാലയിലേക്ക് അയക്കേണ്ടതില്ല.
മറ്റ് വിവരങ്ങൾ
വിജ്ഞാപനം
കൂടുതൽ വിവരങ്ങൾക്കായി കാലിക്കറ്റ് യൂണിവേഴ്സിറ്റിയുടെ വിജ്ഞാപനം വായിക്കുക.
അവസാന തീയതി
അപേക്ഷകൾ സമർപ്പിക്കേണ്ട അവസാന തീയതി: 2025 ജൂൺ 19
ബന്ധപ്പെടാനുള്ള വിവരങ്ങൾ
ഫോൺ: 0494 2407017, 2407016, 2660600.
നിരാകരണം
ഈ വെബ്സൈറ്റിൽ അടങ്ങിയിരിക്കുന്ന വിവരങ്ങൾ കൃത്യവും കാലികവുമാണെന്ന് ഉറപ്പാക്കാൻ ഞങ്ങൾ ശ്രമിക്കുന്നു. എന്നിരുന്നാലും, വെബ്സൈറ്റിൽ ലഭ്യമായ വിവരങ്ങളുടെ പൂർണ്ണതയെക്കുറിച്ചോ കൃത്യതയെക്കുറിച്ചോ ഉറപ്പ് നൽകുന്നില്ല. ഈ ബ്ലോഗ് പൊതുവായ വിവരങ്ങൾക്കും അറിവിനുമുള്ളതാണ്.
ഞങ്ങൾ നൽകുന്ന വിവരങ്ങളിലും ലിങ്കുകളിലും ഭാവിയിൽ മാറ്റങ്ങൾ വന്നേക്കാം. അത്തരം മാറ്റങ്ങൾ ശ്രദ്ധയിൽ പെടുകയാണെങ്കിൽ രേഖപ്പെടുത്തുക.
