പ്രധാന അറിയിപ്പ്: ക്ഷീരശ്രീ പദ്ധതി കേരളം - അപേക്ഷകൾ ക്ഷണിക്കുന്നു!
ക്ഷീര വികസന വകുപ്പ് വാർഷിക പദ്ധതി 2025-2026
ക്ഷീര വികസന വകുപ്പിന്റെ 2025-2026 സാമ്പത്തിക വർഷത്തിലെ വിവിധ പദ്ധതികൾ നടപ്പിലാക്കാൻ താൽപര്യമുള്ളവരിൽനിന്ന് ഓൺലൈനായി അപേക്ഷകൾ ക്ഷണിക്കുന്നു. 2025 ജൂലായ് മാസം 3-ാം തീയതി മുതൽ 20-ാം തീയതി വരെ അപേക്ഷിക്കാവുന്നതാണ്.
പ്രധാന പദ്ധതികളും അപേക്ഷിക്കേണ്ട രീതിയും
ഓൺലൈൻ അപേക്ഷ
താൽപ്പര്യമുള്ളവർ ക്ഷീര വികസന വകുപ്പിന്റെ വെബ്സൈറ്റ് മുഖേന രജിസ്റ്റർ ചെയ്ത് അപേക്ഷ സമർപ്പിക്കാവുന്നതാണ്.
പദ്ധതികൾ
പുൽകൃഷി വികസനം, മിൽക്ക് ഷെഡ് വികസനം, ഡയറി ഫാം ഹൈജീൻ മെച്ചപ്പെടുത്തുന്നതിനുള്ള പദ്ധതി തുടങ്ങിയവയിൽ അപേക്ഷിക്കാം. 20 സെൻ്റിന് മുകളിലേക്കുള്ള പുൽകൃഷി, തരിശുഭൂമിയിലുള്ള പുൽകൃഷി, ചോളകൃഷി എന്നീ പദ്ധതികളും, പുൽകൃഷിക്ക് വേണ്ടിയുള്ള യന്ത്രവൽക്കരണ ധനസഹായം, ജലസേചന ധനസഹായം എന്നിവയും ഇതിൽ ഉൾപ്പെടുന്നു.
ഡയറി ഫാമുകളുടെ ആധുനികവൽക്കരണം, കയർ മത്സ്യബന്ധന മേഖലകൾക്കായുള്ള പ്രത്യേക പുനരധിവാസ പദ്ധതി, 20 പശു യൂണിറ്റ്, 10 പശു യൂണിറ്റ്, 5 പശു യൂണിറ്റ്, 2 പശു യൂണിറ്റ്. ഒരു പശു യൂണിറ്റ് എന്നീ പശു യൂണിറ്റ് പദ്ധതികളും ലഭ്യമാണ്. കൂടാതെ യുവജനങ്ങൾക്കായി പത്തു പശു അടങ്ങുന്ന സ്മാർട്ട് ഡയറി ഫാം പദ്ധതി, മിൽക്കിങ് മെഷീൻ വാങ്ങിക്കുന്നതിനുള്ള ധനസഹായം, തൊഴുത്ത് നിർമ്മാണ ധനസഹായം എന്നിവയും ലഭിക്കുന്നതാണ്.
മിൽക്ക് ഷെഡ് വികസന പദ്ധതി
മിൽക്ക് ഷെഡ് വികസന പദ്ധതികളും ഡയറി ഫാമിന്റെ ഹൈജീൻ മെച്ചപ്പെടുത്തുന്നതിനായുള്ള പദ്ധതികളും ലഭ്യമാണ്.
കൂടുതൽ വിവരങ്ങൾ
കൂടുതൽ വിവരങ്ങൾക്ക് ബ്ലോക്ക് തലത്തിൽ പ്രവർത്തിക്കുന്ന ക്ഷീരവികസന യൂണിറ്റുമായി ബന്ധപ്പെടണമെന്ന് ക്ഷീരവികസന വകുപ്പ് ഡയറക്ടർ അറിയിച്ചു.
ഈ അവസരം പരമാവധി പ്രയോജനപ്പെടുത്തുക.
