Kerala DElEd Course (Old TTC) Applications
ഡിപ്ലോമ ഇൻ എലിമെൻ്ററി എഡ്യൂക്കേഷൻ (ഡി.എൽ.എഡ്.) കോഴ്സ് (DElEd 2025-2027)
എൽ.പി, യു.പി അധ്യാപക യോഗ്യതയായി നിശ്ചയിക്കപ്പെട്ട ഡി.എൽ.എഡ് (പഴയ ടി.ടി.സി) 2 വർഷത്തെ കോഴ്സ്.
2025-27 അദ്ധ്യയന വർഷത്തെ ഡിപ്ലോമ ഇൻ എലിമെൻ്ററി എഡ്യൂക്കേഷൻ (ഡി.എൽ.എഡ്.) ഗവൺമെൻ്റ്/എയ്ഡഡ്/ സ്വാശ്രയം പ്രവേശനത്തിലേക്കുള്ള അപേക്ഷ ക്ഷണിച്ചിട്ടുണ്ട്. അപേക്ഷ സമർപ്പിക്കേണ്ട അവസാന തീയതി 11/08/2025 വൈകുന്നേരം 5.00 മണി. ജില്ലാതലത്തിലാണ് അപേക്ഷ സമർപ്പിക്കേണ്ടത്.
2025-27 അദ്ധ്യയന വർഷത്തെ "ഡിപ്ലോമ ഇൻ എലമെൻ്ററി എഡ്യൂക്കേഷൻ" (ഡി.എൽ.എഡ് - D.El.Ed) കോഴ്സിന് ഗവൺമെൻ്റ്/എയ്ഡഡ് സ്ഥാപനങ്ങളിലേക്ക് അപേക്ഷകൾ ക്ഷണിക്കുന്നു. സംസ്ഥാനത്തു നിലവിലുണ്ടായിരുന്ന 'ഡിപ്ലോമ ഇൻ എഡ്യൂക്കേഷൻ (ഡി.എഡ്) കോഴ്സിൻ്റെ പേര് "ഡിപ്ലോമ ഇൻ എലമെന്ററി എഡ്യൂക്കേഷൻ" (ഡി.എൽ.എഡ്) എന്നു മാറ്റി പുനർനാമകരണം ചെയ്യുകയും എൽ.പി./യു.പി. അദ്ധ്യാപക വിദ്യാഭ്യാസത്തിൻ്റെ ഘടനയും സ്വഭാവവും പാഠ്യപദ്ധതിയും 2018-2019 അദ്ധ്യയന വർഷം മുതൽ പരിഷ്കരിച്ച് ഉത്തരവ് പുറപ്പെടുവിക്കുകയുമുണ്ടായി. നാല് സെമസ്റ്ററുകളിലായി രണ്ടു വർഷമാണ് കോഴ്സിന്റെ കാലാവധി.
യോഗ്യതകൾ
അപേക്ഷകർ താഴെ പറയുന്ന ശതമാനം മാർക്ക് നേടിയിരിക്കണം.
- കേരളത്തിലെ ഏതെങ്കിലും യൂണിവേഴ്സിറ്റി നടത്തുന്ന പ്രീഡിഗ്രി അല്ലെങ്കിൽ തത്തുല്യമായി അംഗീകരിച്ചിട്ടുള്ള പരീക്ഷ.
- കേരളത്തിലെ ഹയർ സെക്കണ്ടറി പരീക്ഷാ ബോർഡ് നടത്തുന്ന ഹയർസെക്കണ്ടറി പരീക്ഷ അല്ലെങ്കിൽ തത്തുല്യമായി കേരള സർക്കാർ അംഗീകരിച്ചിട്ടുള്ള പരീക്ഷ.
- ആകെയുള്ള സീറ്റുകളിൽ സയൻസ് വിഭാഗത്തിന് 40 ശതമാനം, ഹ്യൂമാനിറ്റീസ് വിഭാഗത്തിന് 40 ശതമാനം, കോമേഴ്സ് വിഭാഗത്തിന് 20 ശതമാനം എന്നിങ്ങനെ നിജപ്പെടുത്തിയിരിക്കുന്നു.
Course Details
മുമ്പ് ടി.ടി.സി. ( ടീച്ചർ ട്രയിനിംഗ് കോഴ്സ് ) എന്നും പിന്നീട് ഡി.എഡ്. (ഡിപ്ലോമ ഇൻ എജുക്കേഷൻ) എന്നും അറിയപ്പെട്ടിരുന്ന പ്രൈമറി സ്കൂൾ അധ്യാപക യോഗ്യത കോഴ്സ്, ഡി.എൽ.എഡ്. (ഡിപ്ലോമ ഇൻ എലമെന്ററി എജുക്കേഷൻ) എന്ന് പുനർനാമകരണം ചെയ്തിട്ട് അധികകാലമായില്ല. നിലവിൽ പ്രൈമറി സ്കൂൾ അധ്യാപനത്തിന് (1 മുതൽ 7 വരെയുള്ള ക്ലാസ്സുകൾ) സർക്കാർ നിശ്ചയിച്ചിരിക്കുന്ന യോഗ്യതയാണ്, ഡിപ്ലോമ ഇൻ എലമെന്ററി എജുക്കേഷൻ. ഡി.എൽ.എഡ്. നോടൊപ്പം കെ - ടെറ്റ് (കേരള ടീച്ചേഴ്സ് എലിജിബിലിറ്റി ടെസ്റ്റ്) കൂടി പാസ്സായാലേ, പ്രൈമറി സ്കൂളുകളിൽ സ്ഥിരാധ്യാപകരായി ജോലി ലഭിക്കുകയുള്ളൂ. സർക്കാർ - എയ്ഡഡ് മേഖലയിലായി ആയിരക്കണക്കിന് ഒഴിവുകളാണ് , യോഗ്യരായ ഉദ്യോഗാർത്ഥികൾക്കായി ഓരോ വർഷവും റിപ്പോർട്ട് ചെയ്യപ്പെടുന്നത്.
അപേക്ഷിക്കേണ്ട വിധം
Application Process
അപേക്ഷ ഓൺലൈൻ വഴി സ്വീകരിക്കുന്നതല്ല.
ഫോറം നിശ്ചിത ഫോറത്തിൽ തന്നെ സമർപ്പിക്കണം. അപേക്ഷകളിൽ 5 (അഞ്ച്) രൂപയ്ക്കുള്ള കോർട്ട്ഫീസ് സ്റ്റാമ്പ് ഒട്ടിച്ചിരിക്കണം. അല്ലെങ്കിൽ “0202-01-102-97-03 other receipt' എന്ന അക്കൗണ്ട് ഹെഡിൽ അഞ്ചു രൂപ ട്രഷറിയിലടച്ച ചെലാൻ രസീത് അപേക്ഷയോടൊപ്പം ഹാജരാക്കണം. പട്ടികജാതി/പട്ടികവർഗ്ഗക്കാർ അപേക്ഷാഫീസ് അടയ്ക്കേണ്ടതില്ല.
വിദ്യാർത്ഥികൾ അപേക്ഷകൾ ഫാറം പൂരിപ്പിച്ചതിനു ശേഷം തപാൽ മാർഗ്ഗമോ നേരിട്ടോ നൽകാവുന്നതാണ്. (പൂർണ്ണമായി പൂരിപ്പിക്കാത്ത അപേക്ഷകൾ നിരസിക്കപ്പെടും).
സർക്കാർ സീറ്റിലേക്കും, സെൽഫ് ഫിനാൻസ് , Dept. Quota (നിലവിൽ സർവീസിൽ ഉള്ള ജീവനക്കാർക്ക് മാത്രം.) തുടങ്ങിയ സീറ്റിലേക്ക് അപേക്ഷ നൽകാം.
കൂടുതൽ വിവരങ്ങൾക്കു വിജ്ഞാപനം വായിക്കുക.
അപേക്ഷ സ്വീകരിക്കുന്ന അവസാന തീയതി: 2025 ആഗസ്റ്റ് 11
Additional Information
Official Website: education.kerala.gov.in
അപേക്ഷാ ഫോമുകൾക്കും കൂടുതൽ വിവരങ്ങൾക്കും വിജ്ഞാപനം പരിശോധിക്കുക.
